«Прокуратура азаматтардың құқықтары мен бостандықтарын қорғауда»

24 қазан 2017 Версия для печатиВерсия для печатиPDFPDF

Прокурорлық қадағалаудың басты бағыттарының бірі азаматтардың құқықтары мен бостандықтарын қорғау болып табылады.

Жаңаөзен қаласының мамандандырылған әкімшілік сотының 16.10.2017 жылғы қаулысымен құқық бұзушы ҚР ӘҚБтК-нің 73-бабының 2-бөлігімен кінәлі деп танылып, осы баппен 7 тәулікке әкімшілік қамаққа алу жазасы қолданылған.

Аталған сот актісінің заңдылығын тексеру нәтижесінде бірінші сатыдағы сотпен әкімшілік істі қарау барысында әкімшілік жауаптылық туралы заң дұрыс қолданылмаған, атап айтқанда жасалған іс-әрекеттің сотпен қате саралануы және ҚР ӘҚБтК-нің 10-бабы талаптарының сақталмауы салдарынан азаматтың конституциялық құқықтары мен бостандықтары бұзылғандығы анықталды. 

Осыған байланысты қала прокуратурасымен Маңғыстау облыстық сотының азаматтық және әкімшілік істер бойынша сот алқасына заңды күшіне енбеген сот актісін қайта қарау туралы өтінішхат енгізіліп, оның қаралу нәтижесімен апелляциялық өтінішхат қанағаттандырылды, ал қала тұрғыны дереу қамаудан босатылды.

 

Жаңаөзен қаласының прокуратурасы

Пікірлер

Жаңа пікірді жазу